monumenta.ch > Hieronymus > bsbClm6224.104 > bnf8040.153 > Ioannes, 4 > bsbClm536.50 > sectio 8 > sectio 6 > sectio 3 > bkeCod.16.63r > uwbM.p.th.f.69.122 > csg51.48 > bnf8040.28 > bnf8907.592 > admCod.164.215 > 4 > bkeCod.16.67v > sectio 3 > sectio 11 > bsbClm14439.91 > sectio 12 > Ioannes, 20 > bnf8040.173 > sectio 17 > bnf15046.219 > bkeCod.16.108r > sectio 7 > sectio 109 > bnf15046.220 > Matthaeus, 7 > bnf8040.43 > sectio 18 > uwbM.p.th.f.68.340 > bnf15046.210 > bkeCod.16.84v > sectio 96 > sectio 103 > bnf15046.215 > bsbClm23610.7 > sectio 10 > Ioannes, 14 > bnf17416.77 > bsbClm6436.46 > bnf15046.224 > bavPal.lat.311.339 > sectio 44 > sectio 51 > sectio 2 > bnf15046.231 > 2 > sectio 19 > bsbClm14056.122 > sectio 20 > bnf6797.484 > bnf15046.5 > 5 > bsbClm536.210 > csg68.248 > bnf8907.603 > bkeCod.16.149v > sectio 15 > ad Corinthios I, 4 > sectio 118 > bnf15046.227 > 247 > 64 > bkeCod.16.215v > bumMs.H125.114 > Psalmi, 34 > bnf15046.195 > Exodus, 32 > sectio 71

Word Selection for Searching

Report an Error in this Sectio
Hildegardis Abbatissa, Visiones, 3, 8, 71
Sed quod inter has virtutes praecipue septem vides, quarum etiam formas et habitus secundum quod tibi permittitur consideras: hoc est quod inter studiosa opera hae septem virtutes praestantissimae, septem ardentissima dona Spiritus sancti designant, quia in obumbratione Spiritus sancti virgo clarissima Filium Dei sine peccato concepit in sanctificatione scilicet sanctarum virtutum, quae aperte in eodem Unigenito Dei manifestatae sunt; quasi in forma sua illuminantes corda fidelium, et quasi in habitu suo in unitate fidei se dilatantes, ut Isaias servus meus testatur, dicens: Egredietur virga de radice Iesse, et flos de radice eius ascendet, et requiescet super eum spiritus Domini, spiritus sapientiae et intellectus, spiritus consilii et fortitudinis, spiritus scientiae et pietatis, et replebit eum spiritus timoris Domini . Hoc tale est: Virgo Maria egressa est de angustiis saecularium oppressionum in dulcedinem honestatis morum, ut aliquis de domo egreditur in qua inclusus continebatur, qui se non elevat supra ipsam domum, sed recto itinere coram se graditur, et ut rivulus vini de torculari exprimitur non se exaltans supra torcular, sed moderate defluens in locum suum. Et quare virga? Quia non spinosa moribus, nec nodosa terrenis cupiditatibus, sed plana, id est carnali concupiscentia non copulata, orta scilicet de radice Iesse, id est de illo qui quasi fundamentum erat regalis prolis, de qua illa illibata mater nata processit.